Hier Überschrift

Et is sau Mode, dat sick däi Bistruper un däi Schliärsener eenanner besöiket, wenn et wat to fierden giff. Sau sünd wi met hennige twüntich Lüe düsse Dage bi den Schlachtefest van den HVV tohaupe kuomen und häwwet ne Masse Spooß hat.

Et göng tou, os harren däi Schliärsener güst sümmes schlachtet. Wöbkebraut, Stopsel, Sülte met Schwattbraut, Brautkartuffeln un annere leckere Saken gaif et uppe Gobeln. Dotou onnik wat do drinken un auck mol'n reelen Schluck.

Bi den deftigen Iärten un däi vielen plattdütsken Vodriärge konnse manges meenen, Du wöhs vo 100 Joahr up'n richtigen Burdenhoff in Bistrupe. Of nu ollens wohr was, wat do votellt woht, wäit ick bi'n besten willen nich. Ower soviel wäit ick woll - et luhde würklich gout un was to'n Lachen un Schmüstern.

 

Zurück